Bizitzak ez du amore ematen
inon inola aurrera egin gogo du
atseden gabe zoraturik
neurririk ez baitu.
Bizitzak ez du etsitzen
ezpada muga latzetan
ezpadu egiten amets oihanarekin
egiten du desertuarekin.
Eta hala iraila garo gorridunak
soilik elur soilik otso
barren zabal eta izoztu
izan nahiko zukeen.
Eta izan nahiko zukeen… eguzkiak
argi huts eta zorrotz… eguzkiak
erleen memoria ahulean… eguzkiak.
Gaua berriz
hastapenetako garaiaz
oroitzen da bereziki
orduan ez baitzen gaua besterik.
Era berean sekula ez
edo beti beti beti
esanka dabil nire bihotza
erabakitzen ditu zoritxarrez
bere desira guztiak… bi hitz bakarretan.
servido por Ixas
sin comentarios
compártelo
Amets zatoz jada nigana...
Amets zatoz jada nigana
kolorez jantzia zatoz nigana
nigana, beldurrik gabe nigana
Zuk jarriak daude bideak
zuk jarriak ere ilusioak
behin eta berriz ari naiz zutaz galdezka
Amets zatoz jada nigana
kolorez jantzia zatoz nigana..
nigana, beldurrik gabe nigana..
Neu naiz neu bizitza
itxaropena neure giltza
hala ere beti derrigorrez baina zutaz galdezka
Amets zatoz jada nigana
kolorez jantzia zatoz nigana..
nigana, beldurrik gabe nigana..
Ezin ahaztu nondik natorren
ezin ukatu zer naizen
beharbada galtzailearen urratsean nago
beharbada..
Ilusioz josia asmoz betea
odol gorria bihotz zuria
ametsaren bidean
noiz agertuko ote zaren itxaropenean
Amets zatoz jada nigana
kolorez jantzia zatoz nigana..
nigana, beldurrik gabe nigana..
servido por Ixas
sin comentarios
compártelo
